11-nji maýda AFK futbol boýunça Aziýanyň kubogynyň bije çekişlik dabarasyny geçirer. Ol Aşgabat wagty bilen sagat 16-da başlanar.
Bije çekişlik AFK-nyň YouTube kanaly arkaly göni ýaýlymda alnyp görkeziler.
Kataryň Doha şäherinde geçiriljek bije çekişligiň netijesinde yklym ýaryşyna gatnaşýan 24 ýygyndy garşydaşlaryny biler. 18-nji yklym çempionatynyň 2024-nji ýylyň 12-nji ýanwary ― 10-njy fewraly aralygynda Katarda geçiriljekdigini ýatladýarys.
Bije çekişlige 24 milli ýygyndy 4 torbadan gatnaşar.
Birinji torba: Katar (ýer eýesi), Ýaponiýa, Eýran, Koreýa Respublikasy, Awstraliýa, Saud Arabystany.
Ikinji torba: Yrak, BAE, Oman, Özbegistan, Hytaý, Iordaniýa.
Üçünji torba: Bahreýn, Siriýa, Palestina, Wýetnam, Gyrgyzystan, Liwan.
Dördünji torba: Hindistan, Täjigistan, Tailand, Malaýziýa, Gonkong, Indoneziýa.
Kataryň ýygyndysy Aziýanyň kubogynyň häzirki eýesidir.
