UEFA-nyň Çempionlar ligasynyň çärýek finalynyň çäginde «Napoli» bilen «Milanyň» arasynda boljak jogap duşuşygy Neapol şäherindäki «Diego Armando Maradona» stadionynda geçiriler.
Duşuşygyň göni ýaýlymy Aşgabat wagty bilen 23:45-de «Matçh! Futbol 1» teleýaýlynynda başlanar.
Iki toparyň arasyndaky ilkinji duşuşyk 12-nji aprel güni Milan şäherinde geçirilipdi. Duşuşyk Stefano Pioliniň şägirtleriniň 1:0 hasabyndaky ýeňşi bilen tamamlandy. Ýeke-täk pökgini Ismael Bennaser geçiripdi.
Ýaryşyň 1/8 finalynda «Napoliniň» nemesleriň «Aýntrahtyny» 2:0 we 3:0 hasaplarynda ýeňendigini ýatladýarys. «Milan» bolsa «Tottenhemi» 1:0-luk we 0:0-lyk netijeler bilen geçdi.
Duşuşygyň baş emini polşaly Şimon Marçinýak bolar. Oňa watandaşlary Pawel Sokolniski bilen Tomaş Listkewiç ýardam berer. Duşuşykda ätiýaçdaky emin bolmak Glenn Nýuberge ynanyldy.
