Gazak Majilisiniň deputatlary Gazagystan bilen Türkmenistanyň hökümetleriniň arasyndaky Gazak-türkmen döwlet serhedinden geçmegiň Tertibi hakyndaky Ylalaşygy tassykladylar. Bu barada «Bizmedia.kz» habar berdi.
Belläp geçsek, Gazak-türkmen döwlet serhedinden geçmegiň Tertibi hakyndaky Ylalaşyga Gazagystan Respublikasynyň hökümeti bilen Türkmenistanyň hökümetiniň arasynda 2021-nji ýylyň oktýabr aýynda gol çekilipdi.
Resminama Gazak-türkmen serhedinde döwlet serhediniň kesgitlenen böleginde we serhet zolaklarynda hereket edýän düzgünleri kesgitlemegiň Tertibiniň döredilmegini belleýär. Hususan-da, resminama Gazak-türkmen döwlet serhediniň mazmunyny, serhetden adamlar, ulaglar bilen geçmegiň tertibini, harytlaryň we beýleki emläkleriň hereketini kesgitleýär.
«Döwlet serhediniň kesgitlenen bölegindäki Tertip döwletleriň bilelikdäki işleri bilen goldanylar we onuň meseleleri Ylalaşyk, milli kanunlar we döwletleriň gatnaşýan halkara şertnamalary bilen düzgünleşdirilýär. Gazagystan Respublikasynyň «Gazagystan Respublikasynyň halkara şertnamalary hakynda» Kanunynyň 11-nji maddasynyň 8-nji bölegine laýyklykda, Ylalaşyk ratifisirlenmäge degişli» diýlip, Majilisiň degişli komitetiniň çözgüdinde aýdylýar.
