8-nji dekabrda «Türkmenaragatanşyk» agentliginiň Politehniki orta hünär okuw mekdebiniň sport zalynda, şol mekdebiň mugallymlarynyň we talyp ýaşlarynyň gatnaşmagynda «Sagdyn nesil – röwşen geljege badalga» atly sport çäresi geçirildi.
Sport çäresinde ýaşlaryň boş wagtyny netijeli geçirmekleri, olaryň aň-bilim terbiýesi we olaryň köpçülikleýin sporta bolan höwesini artdyrmak maksady bilen sportuň birnäçe ugurlary boýunça ýaryşlar gurnaldy.
Bedeniňi berkitmek — saglygyňy berkitmek diýen düşünjeden ugur alyp geçirilen bu sport çäresi, sporty we sagdyn durmuşy ýaşlaryň arasynda wagyz etmäge gönükdirilen ýene-de bir ädim boldy.