«Aşgabat» Türkmenistanyň futbol çempionatynyň 15-nji tapgyrynda «Şagadamy» ýeňlişe uçratdy. Türkmenbaşy şäherinde geçirilen duşuşyk paýtagtyň adybir toparynyň 2:0 hasabyndaky ýeňşi bilen tamamlandy.
Duşuşykda «Aşgabadyň» pökgülerini 27-nji minutda Bäşim Gurbanberdiýew, 65-nji minutda Pirmyrat Sultanow geçirdi.
Bu utulyşdan soň 19 utukda galan «Şagadam» heniz hem ýaryş tertibiniň bäşinji basgançagynda. Altynjy orundaky «Aşgabat» bolsa 13 utuga beýgeldi.
26-njy oktýabr güni «Şagadam» bilen «Aşgabat» Türkmenistanyň kubogynyň ýarym finalynda hem duşuşarlar.
22-nji oktýabrda geçiriljek 16-njy tapgyryň duşuşyklarynda «Aşgabat» «Köpetdagy» kabul eder, «Şagadam» bolsa «Nebitçiniň» myhmany bolar.
