Girmek
Türkmen samboçylary Gazagystanyň Astana şäherinde geçirilen dünýä çempionatynda alty medal - 1 altyn, 2 kümüş we 3 bürünç medal gazandylar – diýip, Orient saýty habar berýär.
Söweş sambosynda 71 kg agram derejesinde Muminjan Arzykulow altyn medal gazandy. Kümüş medallary Bägül Nuryýewa (söweş sambosy, 50 kg çenli) we Sabina Agajanowa (söweş sambosy, 80 kg-dan ýokary) gazandylar.
Bürünç medallara Kambar Umarow (sport sambosy, 71 kg çenli), Zarina Abdurahmanowa (söweş sambosy, 54 kg çenli) we Gülzada Jorakulyýewa (söweş sambosy, 72 kg çenli) mynasyp boldular.
Ýaryşa dünýäniň 80 ýurdundan 470-den gowrak türgen gatnaşdy. Şu ýyl çempionatyň maksatnamasyna ilkinji gezek ýaryşyň täze görnüşleri - zenanlar söweş sambosy we gözi görmeýän türgenleriň arasyndaky tutluşyklar goşuldy.