Şu ýyl Türkiýede geçiriljek Çarwadarlaryň Bütindünýä oýunlaryna Türkmenistandan näçe türgeniň gatnaşjakdygy belli boldy. Türkmenistan bu ýaryşa 30 türgen bilen wekilçilik eder.
Ýurduň wekilçilikli topary 42 adamdan ybarat. Türgenlerimizden başga-da 6 tälimçi we resmi wekilleriň 6-sy Çarwadarlaryň Bütindünýä oýunlaryna gatnaşar.
Türkmenistanyň wekiliýeti ertir ― 27-nji sentýabrda ýola düşer. Türkiýäniň Bursa welaýatynyň Iznik etrabynda geçiriljek Çarwadarlaryň dördünji Bütindünýä oýunlary 29-njy sentýabrda başlanar we 2-nji oktýabra çenli dowam eder.
