Soňky habarlar

Arhiw

Türkmenistanyň kubogy ― 2022: «Ahal» ilkinji duşuşykda «Merwi» ýeňdi

22:4408.09.2022
0
7913
Türkmenistanyň kubogy ― 2022: «Ahal» ilkinji duşuşykda «Merwi» ýeňdi

Türkmenistanyň Kubogy ugrundaky bäsleşiginiň çärýekfinalynyň çäginde bir duşuşyk geçirildi.

Paýtagtymyzdaky “Nusaý” stadionynda geçirilen duşuşykda “Ahal” bilen “Merw” toparlary güýç synanyşdylar. Bu duşuşykda döreden mümkinçiliklerini has ýerlikli peýdalanan “Ahal” 2:1 hasabynda ýeňiş gazandy. Topara ýeňiş getiren toplary Didar Durdyýew bilen Gurbanguly Aşyrow öz atlaryna ýazdyrdylar. Bu barada TFF-niň resmi saýtynda habar berildi.

Bu toparlaryň arasyndaky çärýekfinalyň jogap duşuşygy 21-nji sentýabrda Mary şäherinde geçiriler.

Ýurdumyzyň Kubok bäsleşiginiň çärýekfinalynyň beýleki üç duşuşygy 9-njy sentýabrda geçiriler: “Energetik” – “Şagadam”, “Köpetdag” – “Aşgabat”, “Altyn Asyr” – “Nebitçi”.

Türkmenistanyň Kubok bäsleşiginiň çärýekfinal duşuşygy:

“Ahal” — “Merw” – 2:1

Gollar: 2 Didar Durdyýew, 6 Gurbanguly Aşyrow (“Ahal”) – 19 Alibek Abdyrahmanow (“Merw”)

Duýduryşlar: 29 Serdar Geldiýew (“Ahal”) – 72 Begenç Alamow, 74 Söhbet Allanurow, 80 Begli Meredow (“Merw”)

Bellik: duşuşygyň 75-nji minutynda Arslanmyrat Amanow 11 metrlik jerime urgusyny nädürs ýerine ýetirdi (“Ahal”)

Geçirilen ýeri: “Nusaý” stadiony (Aşgabat ş.)

Duşuşygyň emini: Ş.Hydyrow (Balkanabat ş.)

Kömekçi eminler: I.Kurambaýew (Daşoguz ş.), E.Ýazmyradow (Aşgabat ş.)

Ätiýaçdaky emin: Ý.Jumamyradow (Aşgabat ş.)

Gözegçi emin: M.Seýitgulyýew (Aşgabat “)

Teswirler
Teswir ýazmak üçin içeri giriň ýa-da registrasiýa boluň