Ante Mişe Saud Arabystanynyň «Al-Feýsali» toparynyň baş tälimçisi wezipesine bellenildi. Klubyň resmi web saýty horwatiýaly tälimçi bilen bir ýyllyk şertnama baglaşylandygyny habar berdi.
Ante Mişe munda ozal 2020-nji ýylyň dekabryndan şu ýylyň iýun aýyna çenli aralykda Kuweýtiň «Al-Arabi» toparynda işläpdi. Topar onuň ýolbaşçylygynda soňky 19 ýylyň içinde ilkinji gezek ýurduň çempiony boldy we Kuweýtiň şazadasynyň kubogyna mynasyp boldy.
«Al-Arabi» Türkmenistanyň futbol ýygyndysynyň ozalky baş tälimçisiniň ýolbaşçylygynda AFK-nyň kubogynda «B» toparçanyň ýeňijisi bolup, «Günbatar Aziýa» sebitiniň pleý-off tapgyryna çykdy. Topar pleý-offda Omanyň «Al-Sib» topary bilen duşuşar.
55 ýaşly Ante Mişe Türkmenistanyň futbol ýygyndysyna hem tällim beripdi.
