AFK-nyň Çempionlar ligasynyň «C» toparçasynyň 5-nji tapgyrynyň çäginde Kataryň «Al-Garafa» we Eýranyň «Fulad» tooparlary güýç synanyşdy. Jidda şäherindäki Şazada Abdulla Al-Faýsalyň adyny göterýän stadionda geçirilen duşuşyk Eýranyň toparynyň 1:0 hasabyndaky ýeňşi bilen tamamlandy.
Duşuşykdaky ýeke-täk pökgini 15-nji minutda braziliýaly futbolçy Çimba geçirdi.
Şeýlelikde, 5 duşuşykda 11 utuk toplap bilen «Fulad» toparçalaýyn tapgyr tamamlanmanka, «C» toparçanyň birinji ornunyň eýesi hökmünde ýaryşyň 1/8 finalyna çykdy.
Toparçanyň ugurdaş duşuşygynda ýurdumyzyň wekili «Ahalyň» Birleşen Arap Emirlikleriniň «Şabab Al-Ahli» toparyndan asgyn gelendigini ýatladýarys.
