12-nji aprelde UEFA-nyň Çempionlar ligasynda iki ýarym finalçy belli bolar. Çärýek final duşuşyklarynda «Bawariýa» «Wilýarrealy», «Real» bolsa «Çelsini» kabul eder.
Russiýanyň «Матч ТВ» teleýaýlymy «Real» ― «Çelsi» duşuşygyny göni ýaýlymda alyp görkezmegi meýilleşdirýär. Duşuşyk Aşgabat wagty bilen gije sagat 23:45-de başlanar. London şäherinde geçirilen birinji duşuşykda «Real» garşydaşyny 3:1 hasabynda ýeňipdi.
«Bawariýa» ― «Wilýarreal» duşuşygyna bolsa Täjigistanyň «Warziş» teleýaýlymyndan tomaşa edip bileris. Duşuşyk Aşgabat wagty bilen gije sagat 23:50-de başlanar. Ilkinji duşuşykda Ispaniýanyň wekili 1:0 hasabynda üstün çykypdy.
