«Ahalyň» AFK-nyň Çempionlar ligasy ― 2022-nji 1-nji tapgyrynda BAE-niň «Şabab Al-Ahlisi» bilen geçirjek duşuşygyndaky esasy düzümi belli boldy.
Jogapkärli duşuşykda derwezäni Resul Çaryýew gorar. Şeýle hem meýdanda Şöhrat Söýünow, Abdy Bäşimow, Mirza Beknazarow, Selim Nurmyradow, Ybraýym Mämmedow, Meýlis Diniýew, Resul Hojaýew, Serdar Geldiýew, Ata Geldiýew we Elman Tagaýew (kapitan) dagylar çykyş eder.
Duşuşyk şu gije Aşgabat wagty bilen 01:15-de Saud Arabystanynyň Jidda şäherindäki «Patyşa Abdalla Sports Siti» stadionynda başlanar.
«Ahal» bilen «Şabab Al-Ahli» AFK-nyň Çempionlar ligasynyň taryhynda biri-biri bilen ilkinji gezek duşuşýarlar.
