Türkmenistanyň futbol boýunça milli ýygyndysynyň Aziýanyň kubogy ― 2023-iň saýlama tapgyryndaky duşuşyklary merkezleşdirilen görnüşde Malaýziýada geçiriler.
Şu gün geçirilen bije çekişlikde milli ýygyndymyzyň «E» toparça düşendigini we Bahreýniň, Malaýziýanyň we Bangladeşiň garşydaşy bolandygyny ýatladýarys.
Ýeri gelende aýtsak, saýlama duşuşyklar alty toparçada geçiriler. «E» toparçanyň duşuşyklaryny 8, 11 we 14-nji iýun günlerinde Malaýziýada geçirmek meýilleşdirilýär.
Yklym ýaryşynyň final tapgyryna saýlama duşuşyklardan 11 ýygyndy hukuk gazanar. Olar her toparçanyň ýeňijileri we toparçalarda ikinji orny eýelänleriň iň gowy bäşisidir.
Mundan ozal Aziýanyň kubogy ― 2023-e gatnaşmak üçin Eýranyň, Koreýa Respublikasynyň, BAE-niň, Liwanyň, Yragyň, Siriýanyň, Saud Arabytsanynyň, Ýaponiýanyň, Awstraliýanyň, Omanyň, Wýetnamyň, Hytaýyň we Kataryň ýygyndylarynyň ýollanma alandygyny ýatladýarys.