Soňky habarlar

Arhiw

Aşgabatda şu gün ilkinji doglan bäbejiklere Aşgabat we Merjen atlary dakyldy

21:5325.05.2021
0
24699

«Türkmenportalyň» 25-nji maýda Aşgabatda ilkinji doglan oglanjyga Paýtagt ýa-da Aşgabat, gyzjagaza bolsa Merjen ýa-da Maýa adynyň dakyljakdygy barada ozal habar berşi ýaly, şu gün Enäniň we çaganyň saglygyny goraýyş ylmy-kliniki merkezinde ilkinji doglan bäbejikler bellige alyndy.

Yslam we Selbi Orazmyradowlaryň maşgalasynda oglanjyk, Ýazmuhammet we Aýna Atajykowlaryň maşgalasynda bolsa gyzjagaz doguldy. Bäbejikleriň ata-eneleri oglanjyga Aşgabat, gyzjagaza bolsa Merjen adyny dakdylar.

Bäbejikleriň ikisi hem bu maşgalalaryň birinji çagalarydyr.

«Watan» habarlar gepleşiginde habar berlişi ýaly, bäbejikleriň saglygy kadaly. Oglanjygyň agramy 3 kilogram 985 gram, gyzjagazyň agramy bolsa 3 kilogram 720 gram. Körpejeleriň ikisiniň hem boýy 53 santimetr.

Şeýle-de okaň!

Teswirler
Teswir ýazmak üçin içeri giriň ýa-da registrasiýa boluň