Atdaýew Batyr Taganowiç, özüne ynanylan wezipäni oňarmandygy üçin, Türkmenistanyň Ministrler Kabinetiniň Başlygynyň orunbasary wezipesinden boşadyldy. Bu wezipä 6 aý synag möhleti bilen Türkmenistanyň Senagatçylar we telekeçiler birleşmesiniň müdiriýetiniň başlygy Nökerguly Hojagulyýewiç Atagulyýew bellenildi. Türkmenistanyň Prezidenti Serdar Berdimuhamedow degişli Permanlara şu gün sanly ulgam arkaly geçiren Ministrler Kabinetiniň nobatdaky mejlisiniň barşynda gol çekdi. Bu barada "Watan" habarlar gepleşiginde habar berildi.
Bellenilişi ýaly, döwlet Baştutany Hökümet mejlisiniň barşynda B.Atdaýewiň Türkmenistanyň Ministrler Kabinetiniň Başlygynyň söwda we dokma toplumyna gözegçilik edýän orunbasary wezipesinde ýurduň söwda toplumynyň işini ýola goýmakda birnäçe kemçiliklere ýol berendigini belledi.
