Türkmenistanyň Senagatçylar we telekeçiler birleşmesiniň müdiriýetiniň başlygy Nökerguly Hojagulyýewiç Atagulyýew 6 aý synag möhleti bilen Türkmenistanyň Ministrler Kabinetiniň Başlygynyň söwda we dokma toplumyna gözegçilik edýän orunbasary wezipesine bellenildi. Ozal habar berşimiz ýaly, Batyr Atdaýew, özüne ynanylan wezipäni oňarmandygy, ýagny ýurduň söwda toplumynyň işini ýola goýmakda birnäçe kemçiliklere ýol berendigini üçin, wise-premýer wezipesinden boşadyldy. Türkmenistanyň Prezidenti Serdar Berdimuhamedow degişli Permanlara şu gün sanly ulgam arkaly geçiren Ministrler Kabinetiniň nobatdaky mejlisiniň barşynda gol çekdi diýip, «Watan» habarlar gepleşiginde habar berildi.
