Bäherden etrabynda gurulýan Çeper halyçylyk kärhanasynyň täze binasynyň gurluşyk işleri tamamlaýjy tapgyra gadam basdy.
«Aşgabatdemirbeton» ýöriteleşdirilen kärhanasy tarapyndan gurluşygy alnyp barylýan bu desganyň gurluşygynda ezber elli hünärmenleriň onlarçasy zähmet çekýär ― diýip, «Türkmenistan» gazetinde habar berilýär.
Bir gektar meýdany eýeleýän kärhana ýanaşyk ýerde önümhana binasy hem göz öňünde tutuldy. 2018-nji ýylyň oktýabr aýynda gurluşygyna girişilen täze, döwrebap desga ýokary talaplara laýyklykda enjamlaşdyrylar.
Onuň gurluşygynyň doly tamamlanyp, ulanylmaga berilmegi bilen, ol ýerde gelin-gyzlaryň 150-siniň döwrebap derejede zähmet çekmegine ajaýyp mümkinçilik dörär. Kärhanada çeper elli halyçylaryň döredijilikli işlemegi üçin ähli şertler üpjün ediler.
