Ispaniýanyň “La Ligasynda” şowsuz netijeler alýan “Walensiýa” topary tälimçisi Albert Seladesi wezipesinden boşatdy. Geçen ýylyň sentýabr aýynda Marselinonyň ornuna wezipä bellenen 44 ýaşly tälimçi topara “kowid – 19” sebäpli mejbury arakesmeden soň oýnalan 5 duşuşykda 4 utuk gazandyrdy. 8-nji orna çenli düşen toparyň 32 tapgyrdan soň, 46 utugy bar. Çempionlar ligasy ýaryşynyň daşynda galan “Walensiýa” toparyna möwsümiň ahyryna çenli Woro tälim berer.
