Türkmenistanyň Naýbaşy futzal ligasynyň 11-nji tapgyryndan soňra Içeri işler ministrliginiň «Köpetdagy» möwsümde garşydaş derwezelere 60 pökgi geçirip bilen ilkini topar boldy. Mary şäherinde geçirilen duşuşykda «Daýhanbanky» 9:2 hasabynda ýeňen «Köpetdag», şeýlelikde, möwsümde geçiren gollarynyň sanyny 64-e çykardy.
Indi «Köpetdag» ýaryşdaky iň ýakyn bäsdeşi «Gümrükçiden» 14 pökgi öňde. 11-nji tapgyrda «Migrasiýa» bilen 2:2 hasabynda deňme-deň oýnan «Gümrükçi» şol iki pökgi bilen möwsümdäki gollarynyň sanyny 50-ä tegeledi.
Ýeri gelende aýtsak, şu tapgryda «Köpetdagyň» pökgi gatnaşyklaryndaky artykmaçlygy hem 50-den geçdi. Yzda galan 11 duşuşykda derwezesine bary-ýogy 13 pökgi geçirden «Köpetdagda» 51 pökgi artykmaçlygy bar.
Garşydaşlardan bolsa ol-a 50-miş, heniz 30 pökgi artykmaçlyga ýetip bilen başga topar ýok. Pökgi artykmaçlygynda ikinji orun «Gümrükçä» degişli. Henize çenli derwezesine 27 pökgi geçirden «gümrükçilerde» 23 pökgi artykmaçlygy bar.
11-nji tapgyrda ýene-de:
― «Migrasiýa» 20-nji utugyny gazandy;
― «Daýhanbank» 50-nji, «Migrasiýa» 40-njy, «Deňizçi» 30-njy, «Olimp» 20-nji pökgüsini geçirdi;
― şeýle hem «Daýhanbank» 40-njy, «Deňizçi» 30-njy, «Olimp» 110-njy pökgüsini geçirtdi.