“BMW X5” modeliniň wodorod ýangyjy bilen işleýän görnüşiniň az sanlysynyň 2022-nji ýylda öndüriljekdigi malim edildi. Geçen ýylky Frankfurt awtoulag sergisinde “i Next Hydrogen Concept” ady bilen tanyşdyrylan bu modeliň kuwwatynyň 374 at güýjüne barabar boljakdygy mälim edildi. Onuň ýangyjyny doldurmak üçin 3-4 minut gerekdigi aýdylýar. Bu ulagyň işlenip düzülmeginde “Toyota” bilen hyzmatdaşlyk edilýär. Hünärmenler geljekki gibrid ulaglaryň benzinli-elektrigiň ýerine wodorodly-elektrikli boljakdygyny belleýärler. Soňlugy bilen wodorod ýangyçly tehnologiýa ýük ulaglarynda hem ornaşdyrylar.
