Türkmenistanyň Ministrler Kabinetiniň 13-nji martda geçirilen mejlisinde wise-premýer M.Meredow döwlet Baştutanyna şu ýylyň 28 — 30-njy oktýabrynda Aşgabatda geçirilmegi meýilleşdirilýän «Türkmenistanyň nebiti we gazy — 2020» atly sergä we maslahata taýýarlyk görmek boýunça alnyp barylýan işler barada hasabat berdi.
Prezident Gurbanguly Berdimuhamedow ýurdumyzyň ýangyç-energetika toplumynyň köpugurly kuwwatyny we ony mundan beýläk-de ösdürmegiň esasy ugurlaryny beýan etmegi esasy ugur edinýän «Türkmenistanyň nebiti we gazy — 2020» atly serginiň we maslahatyň ýokary guramaçylyk derejesini üpjün etmek babatda anyk tabşyryklary berdi.
Türkmenistanyň nebitgaz pudagynda gazananlary bilen tanyşdyrýan halkara maslahatyň ýakynda Birleşen Arap Emirlikleriniň Dubaý şäherinde hem geçirilendigini ýatladýarys.