Türkmenistanyň futbol çempionatynyň 28-nji möwsümi golsuz geçirilen duşuşyk bilen başlady. «Aşgabat» stadionynda «Energetigi» kabul eden «Köpetdag» öz derwezesini berk gorasa-da, garşydaşyň derwezesine barýan ýoly hem tapmady. Şeýlelikde, möwsümiň ilkinji duşuşygy 0:0 hasabyndaky deňlik bilen tamamlandy.
Milli çempionatymyza 8 toparyň gatnaşýandygyny ýatladýarys. Çempionat 7-nji martda «Şagadam» ― «Aşgabat» hem-de «Ahal» ― «Nebitçi» duşuşyklary bilen dowam eder. «Altyn asyr» bilen «Merwiň» arasyndaky oýun bolsa 20-nji marta geçirildi.
Türkmenistanyň çempionatynyň geçen möwsümi «Altyn asyryň» bassyr altynjy çempionlygy bilen tamamlanypdy. Ilkinji üçlükde «Ahal» kümüş, «Şagadam» bolsa bürünç medaldan paý aldy.