Özbegistanyň AGMK futbol kluby Dubaýdaky okuw-türgenleşik ýygnanyşygynyň dowamynda bir günde iki ýoldaşlyk duşuşygyny geçirdi diýip, «Championat.asia» habar berýär. Almalyk şäheriniň topary birinji duşuşykda «Şanhaý SIPG-den» 1:2 hasabynda asgyn geldi, ikinji bir düzümleriň arasyndaky duşuşyk bolsa 0:0 hasabyndaky deňlik bilen tamamlandy.
AGMK-nyň düzüminde milli ýygyndymyzyň kapitany Arslanmyrat Amanowyň çykyş edýändigini ýatladarys. Garşydaş toparda bolsa Halk, Oskar ýaly futbolyň braziliýaly ýyldyzlary çykyş edýär.
Şeýlelikde, AGMK-niň Dubaýdaky iki hepdelik OTÝ-y tamamlandy. Bu ýerde ýoldaşlyk duşuşyklarynyň bäşisini geçiren topar ertir Daşkende gaýdyp geler.
