Ýakyn geljekde ABŞ-nyň Nýu-Meksiko we Tehas ştatlarynda sürüjisiz ýük ulaglarynyň hereket edip başlajakdygy mälim edildi. Birnäçe ýyldan bäri özbaşdak hereket edýän ulaglary işläp taýýarlaýan “Waymo” kompaniýasy kiçiräk sürüjisiz ýük ulaglaryny synagdan geçirýär. Kompaniýa El-Paso, Dallas we Hýuston şäherleriniň arasynda hereket etjek ulaglar üçin karta taýýarlaýar. ABŞ-da şäherara ýollardaky gatnawyň uly bölegini ýük ulaglary emele getirýär. Şol sebäpli logistika kompaniýalary ýük gatnawynda awtomatlaşdyrylan ulgamyň kämilleşdirilmegine goldaw berýär. Uzakdan dolandyryljak sürüjisiz ýük ulaglarynda internet aragatnaşygynyň 5-nji neslinden peýdalanylar.
