Germaniýanyň Borussiýa Dortmund kluby iňlis hüjümçisi Jeýdon Sançony almak isleýän toparlaryň 150 million ýewro tölemeli boljakdygyny habar berdi. Bu barada nemes metbugaty giňişleýin maglumat berýär. 2017-nji ýylda Mançester Sitiden transfer edilen 19 ýaşly oýunçy şu möwsümde 10 gol geçirip, 10 goluň pasyny berdi. Geçen möwsümde 12 gezek tapawutlanan Sançony tomusda Mançester Ýunaýted, Liwerpul, PSŽ ýaly klublar transfer etmek isläpdi.
