2022-nji ýylda futbol boýunça Katarda geçiriljek Dünýä Kubogy ýaryşynyň saýlama tapgyrynyň çäginde Afrika zolagynyň 2-nji tapgyrynyň bijeleri çekildi. Bijä laýyklykda, Kamerun bilen Kot-d’Iwuar “D” toparçada çykyş eder. Muhammed Salahyň çykyş edýän ýygyndysy Müsür bilen Pier-Emerik Obameýanyň ýygyndysy Gabon “F” toparça düşdi. Bu bolsa bada-bat azyndan 2 ýyldyzyň haýsy hem bolsa biriniň oýnuna futbol janköýerleri Dünýä çempionatynda tomaşa etmezler diýmekdir. Her toparçadan 1-nji orny eýelän topar 3-nji saýlama tapgyryna çykar. Duşuşyklar mart aýynda oýnalyp başlar.
“A” TOPARÇA: Alžir, Burkina Faso, Niger, Jibuti
“B” TOPARÇA: Tunis, Zambiýa, Mawritaniýa, Ekwator Gwineýasy
“C” TOPARÇA: Nigeriýa, Kabo-Werde, Merkezi Afrika Resp., Liberiýa
“D” TOPARÇA: Kamerun, Kot-d’Iwuar, Mozambik, Malawi
“E” TOPARÇA: Mali, Uganda, Keniýa, Ruanda
“F” TOPARÇA: Müsür, Gabon, Libiýa, Angola
“G” TOPARÇA: Gana, Günorta Afrika, Zimbabwe, Efiopiýa
“H” TOPARÇA: Senegal, Kongo, Namibiýa, Togo
“I” TOPARÇA: Marokko, Gwineýa, Gwineýa-Bissau, Sudan
“J” TOPARÇA: Kongo DR, Benin, Madagaskar, Tanzaniýa