Türkiýäniň Stambul şäherinde okuw-türgenleşik ýygnanyşygyny geçirýän futbol boýunça Türkmenistanyň zenanlar ýygyndysy ikinji ýoldaşlyk duşuşygyny geçirdi. Ýerli “Bagçiler” topary bilen duşuşan ýygyndy toparymyz 3:1 hasabynda ýeňiş gazanmagy başardy ― diýip, Türkmenistanyň Futbol federasiýasynyň resmi saýty habar berýär.
Ýeri gelende bellesek, milli ýygyndymyz okuw-türgenleşik ýygnanyşygyndaky birinji duşuşygynda “Dudullu” futbol kluby bilen 1:1 hasabynda deňme-deň oýnapdy.
Kamil Mingazowyň türgenleşdirýän ýygyndy toparynyň okuw-türgenleşik ýygnanyşygy 29-njy oktýabra çenli dowam eder.
Ýygyndy toparymyzyň tälimçiler düzüminiň türgenleşik ýygnanyşygynda oýunçylaryň 22-sini gözden geçirýändiklerini ýatladýarys.