Türkmenistanyň orta mekdeplerinde ýaşlara bilim bermekdäki meýilnamalar yzygiderli döwrebaplaşdyrylýar. Soňky ýyllarda mekdeplerde ýaşaýyş-durmuş esaslary,bedenterbiýe, jemgyýeti öwreniş ýaly, täze okuw dersleri girizildi.
Şonuň ýaly-da, juda gysga wagtyň dowamynda ykdysadyýetiň esaslary, ekologiýa, Türkmenistanyň medeni mirasy, dünýä medeniýeti, informasiýa-kommunikasiýa we innowasion tehnologiýalar, modelirleme we grafika ýaly dersler hem üstünlikli okadylyp başlanyldy.
Şu okuw ýylyndan başlap, mekdeplerde «Döwrebap tehnologiýalaryň esaslary» atly täze ders okadylyp başlanar. «Türkmenistan» gazetinde ýazylyşy ýaly, bu täze ders ýaşlaryň döwrebap tehnologiýadan habarlylygyny artdyrar.
