Türkmenistanyň ýetginjekler ýygyndysy (U16) Merkezi-Aziýanyň Futbol Assosiasiýasynyň (CAFA) çempionatynda birinji ýeňşini gazanmagy başardy diýip, Türkmenistanyň Futbol federasiýasynyň resmi saýty habar berýär.
Dördünji tapgyryň çäginde Gyrgyzystanly deň-duşlary bilen duşuşan Batyr Şyhyýewiň tälim berýänleri 1:0 hasabynda ýeňiş gazandylar. Ýygyndy topaymyza ýeňiş getiren topy 55-nji minutda Muhammedaly Kişikow öz adyna ýazdyrdy.
Bu tapgyryň beýleki duşuşyklarynda Özbegistanyň ýygyndysy owganystanly deň-duşlaryny 3:0 hasabynda ýeňlişe sezewar etdi. Täjigistanyň ýygyndysy hem şol bir hasap bilen Eýranyň ýygyndysyny ýeňlişe sezewar etdi.
Geçirilen dört tapgyrdan soň 10 utuk toplan Täjigistanyň ýygyndysy ýarytş tertibiniň birinji basgançagyny eýeleýär.
7 utukdan toplan Özbegistanyň hem-de Owganystanyň ýygyndylary degişlilikde ikinji, üçünji orunlary eýeleýärler. 6 utugy bolan Eýranyň ýygyndysy dördünji, Türkmenistanyň ýygyndysy bolsa toplan 3 utugy bilen bäşinji orunlary eýeleýärler. 1 utugy bolan Gyrgyzystanyň ýetginjelker ýygyndysy soňky orunda ornaşdy.
Bäşinji tapgyryň duşuşyklary 1-nji awgustda geçirilip, Gyrgyzystan – Eýran, Özbegistan – TÜRKMENISTAN hem-de Täjigistan - Owganystan bilen duşuşar.
CAFA-nyň çempionatynyň Türkmenistanyň, Täjigistanyň, Eýranyň, Özbegistanyň, Gyrgyz Respublikasynyň hem-de Owganystanyň ýetginjekler ýygyndylarynyň (U16) gatnaşmagynda geçirilýändigini ýatladýarys.
Ýetginjekler ýygyndylaryň (U16) gatnaşmagyndaky CAFA-nyň çempionatynyň geçiş tertibi:
4-nji tapgyryň netijeleri:
TÜRKMENISTAN – Gyrgyz Respublikasy 1:0
Eýran – Täjigistan – 0:3
Owganystan – Özbegistan – 0:3
5-nji tapgyr
1-nji awgust (penşenbe)
18:00 – Gyrgyz Respublikasy – Eýran. Gissar, Merkezi stadion
18:00 – Özbegistan – TÜRKMENISTAN. Duşenbe, Merkezi stadion
20:30 – Täjigistan – Owganystan. Duşenbe, Merkezi stadion
