Futbol boýunça Türkmenistanyň kubogy ugrundaky ýaryşyň çärýek final oýunlarynyň ilkinjisi geçirildi.
Paýtagtymyzda “Balkany” kabul eden “Altyn Asyr” topary 5:0 hasabynda ynamly ýeňiş gazanyp, kubok bäsleşiginiň ýarym finalyna çykmak mümkinçiligini örän ýokarlandyrdy. Kubogyň geçen ýylky ýeňijisi “Ahaly” kabul eden “Aşgabat” topary soňky pursada çenli ýeňiş gazanyp gelýärdi. Ýöne, duşuşygyň 85-nji minutynda Didar Durdyýewiň ýerine ýetiren owadan jerime urgusy hasabyň deňlenmegine getirdi (2:2). Şeýlelikde, jogap oýnuň öňüsyrasy “Ahal” azda-kände artykmaçlyk gazanmagy başardy.
Türkmenbaşyda “Şagadam” bilen “Köpetdagyň” hem-de Mary welaýatynyň Baýramaly etrabynda “Merw” bilen “Energetigiň” arasyndaky duşuşyk 1:1 hasabynda deňlikde tamamlandy.
Türkmenistanyň Kubogy ugrundaky bäsleşigiň çärýek finalynyň ikinji duşuşyklary 14-nji awgustda geçiriler.
Çärýek final duşuşyklarynyň netijeleri:
“Aşgabat” – “Ahal” – 2:2
Gollar: Azady Annadurdyýew 11, Boris Iwanow 61 (“Aşgabat”) – Guwanç Abylow 6, Didar Durdyýew 85 (“Ahal”)
“Şagadam” – “Köpetdag” – 1:1
Gollar: Hydyr Ýakubow 15 (“Şagadam”) – Pirmyrat Sultanow 4 (“Köpetdag”)
“Merw” – “Energetik” – 1:1
Gollar: Begenç Alamow 22 (“Merw”) – Alibek Abdyrahmanow 39 (“Energetik”)
“Altyn Asyr” – “Balkan” – 5:0
Gollar: Mekan Aşyrow 14, 29, Wahyt Orazsähedow 17 (11 m.j.u.), 45, Mihail Titow 76 (“Altyn Asyr”)
Çeşme: tff.com.tm
