Süleýman Orazow: ol diňe oýun gurnaýjy däl

02:2224.10.2017
0
148
Süleýman Orazow: ol diňe oýun gurnaýjy däl

Futbol boýunça milli çempionatymyzyň öňdebaryjysy «Ahalyň» tejribeli ýarym goragçysy Süleýman Orazow 28-nji tapgyrda «Köpetdag» bilen geçirilen duşuşykda iki gezek tapawutlanyp, toparynyň ýeňşine uly goşant goşdy. «Ahalyň» oýunlarynda, esasan, merkezde oýun gurnaýjy höküminde ýatda galan ýarym goragçy bu gezekki duşuşygyň 15-nji hem-de 45-nji minutlarynda tapawutlanyp, toparynyň birinji we üçünji goluny öz adyna ýazdyrdy.

Şeýlelikde, S.Orazowyň möwsümdäki gollarynyň sany 3-e ýetdi. Ol çempionatda mundan öň 18-nji tapgyrda tapawutlanypdy. «Aşgabat» bilen geçirilen şol duşuşykda 11 metrlik jerime urgusyndan dürs peýdalanan tejribeli futbolçy toparynyň ikinji goluny geçiripdi. Duşuşyk bolsa 3:0 hasabynda «Ahalyň» peýdasyna tamamlanypdy.

Eger-de siz sözlemde harp ýalňyşy gören bolsaňyz, şol sözi saýlap Ctrl+Enter basyň

Meňzeş täzelikler
Teswirler
Teswir ýazmak üçin içeri giriň ýa-da registrasiýa boluň