Hindistanyň günorta-gündogaryndaky Andhra-Pradeş ştatynyň Tirumaly Wenkateşwara ybadathanasynda bolan induistik festiwalda azyndan alty adam gurban boldy we kyrk töweregi adam ýaralandy. Bu barada «Hindustan Times» gazetine salgylanýan «Gazeta.ru» habar berdi.
Festiwal 10-njy ýanwarda başlanmaly, oňa eýýäm ýüzlerçe dindar ýygnandy. Ybadathana toplumynyň derwezesi açylanda, mähellek petek almaga gyssandy we dyknyşyk döredi. Polisiýanyň gullukçylary ejir çekenleriň köpüsine kömek bermeli boldy. Basgy sebäpli hassahana 40 adam ýerleşdirildi.
Ýurduň Hökümet başlygy Narendra Modi we Hökümetiň beýleki wekilleri betbagtçylyk bilen bagly gynanç bildirdiler hem-de ejir çekenlere tiz gutulmagy arzuw etdiler.
Ýerli häkimiýetler wakany derňeýärler. Ştatyň baş ministri N. Çandrababu Naýdu şeýle wakalaryň gaýtalanmazlygy üçin ýagdaýa ünsli gözegçilik edilýändigini habar berdi.
Munuň öňüsyrasy gaharjaň pil Hindistanyň ýerli ýaşaýjylaryna hüjüm etdi. Waka Kerala ştatynyň Malappuram etrabynda boldy, meýdançada bäş pil bardy, olaryň biri märekä topulyp, bir erkek kişini holtumyna aldy we aýlap uzaga zyňdy.
