Özbegistanyň «Qanot Sharq» awiakompaniýasy 20-nji ýanwardan 6-nji marta çenli howa uçuşlarynyň 20-den gowragyny ýatyrdy. Bu barada ýurduň habar beriş serişdelerine salgylanýan «Report» habar berdi.
Uçuşlaryň, esasan, Russiýanyň Moskwa we Sankt-Peterburg şäherleri ugurlarynda ýatyrylýandygy aýdylýar. Moskwa şeýle hem Samarkant, Daşkent, Fergana, Buhara we Namangan şäherlerinden, Sankt-Peterburga Namangan we Samarkant şäherlerinden uçuşlar ýatyrylýar. Bu döwürde Daşkent bilen Samarkant şäherleriniň arasynda hem uçuşlaryň bir bölegi ýatyrylar diýlip, awiakompaniýanyň Telegram ýaýlymyna salgylanýan «rg.ru» ýazýar.
Uçuşlaryň ýatyrylmagyny kompaniýa «Airbus A320» uçarlarynyň maksatnamalaýyn tehniki hyzmaty bilen düşündirdi.
