Bütindünýä Saglygy goraýyş guramasy (BSGG) Hytaýda adaty bolmadyk keselleriň möwç almagy barada habarnama almady. Bu barada guramanyň metbugat-habarnamasynda aýdylýar diýip, «Regnum.ru» ýazýar.
«Demirgazyk ýarymşarda öýken-dem alyş ýollary bilen bagly patogenleriň hasaba alnan häzirki artyşy gyş möwsümi üçin garaşylan çäkdedir. Hytaýda dümew has köp hasaba alynýan respirator patogen bolup durýar, ol häzirki wagtda ýiti öýken-dem alyş ýokançlary görnüşinde möwjeýär. BSGG Hytaýyň saglygy goraýşynyň resmi wekilleri bilen aragatnaşyk saklaýar we adaty bolmadyk möwjemeler barada hiç hili habar almady» diýlip, guramanyň beýanatynda bellenýär.
Öz gezeginde HHR-iň häkimiýetleri BSGG-ni ýurduň saglygy goraýyş ulgamynyň adaty tertipde işleýändigi, hiç hili adatdan daşary ýagdaýyň ýokdugy barada habarly etdiler.
Habarda ýylyň sowuk döwrüniň gelmegi bilen baglylykda, Hytaýda dümew we pnewmoniýa ýaly ýokanç kesellileriň köpelýändigi bellendi. Hytaýyň Saglygy goraýyş boýunça döwlet komitetiniň resmi wekili Hu Sýansýan ilata wagtynda sanjym almagy, şahsy gorag çärelerini berjaý etmegi, eliňi köp ýuwmagy, öýleri ýelejiretmegi hem-de sagdyn durmuş düzgünini alyp barmagy maslahat berdi.
