Geçen aýda Azerbaýjana Merkezi Aziýa ýurtlaryndan 16 müň 500-den gowrak jahankeşde bardy diýip, ýurduň Jahankeşdelik boýunça Döwlet agentligine salgylanýan «Daryo.uz» habar berýär.
Agzalan döwürde Respublika iň köp jahankeşde Gazagystandan bardy – 8134 adam. Sanawda ikinji we üçünji orunlary Özbegistan we Türkmenistan eýeledi, degişlilikde, 3727 we 3163 adam. Gyrgyzystandan 790 we Täjigistandan 689 adam Azerbaýjanda boldy diýlip, habarda bellenýär.
Şeýle-de soňky on aýda Azerbaýjan Respublikasyna Merkezi Aziýadan 150 müň töweregi adamyň syýahata barandygy aýdylýar, bu görkeziji 2023-nji ýylyň degişli döwründäkiden 38 göterim köpdür.
Umuman alnanda, 2017-2023-nji ýyllar aralygynda Respublika Merkezi Aziýadan 545 730 adamyň barandygy aýdylýar.
