Girmek
Lebap welaýatynyň şalyçy daýhanlary welaýat boýunça şaly ekilen 10 müň 200 gektar ýerden 47 müň 400 tonnadan gowrak şaly hasylyny alyp, bu baradaky döwlet tabşyrygyny artygy bilen amal etmegi başardylar. Bu barada HHM habar berdi.
Çeşmäniň ýazmagyna görä, lebaply şalyçylar şu ýyl her gektardan ortaça 47 sentnere golaý hasyl aldylar.
Ýeri gelende bellesek, şalynyň döwlet tarapyndan satyn alyş nyrhy bu azyklyk ekiniň bir tonnasyna öňler 900 manat bolanlygyndan şu oba hojalyk ýylynda 1500 manada çenli ýokarlandyryldy. Bu bolsa lebaply daýhanlaryň has-da yhlasly zähmet çekmeklerini üpjün etdi. Welaýat boýunça ýokary netijäniň gazanylmagyna etraplaryň aglabasynda ýerli toprak-howa şertlerine laýyk gelýän, hasyllylygy bilen tapawutlanýan şalynyň «Nukus-2» görnüşiniň ekilmeginiň hem özüniň oňyn netijelerini berendigini bellemek bolar.