Koreýa Respublikasynyň Milli Assambleýasynyň Başlygy Wu Won Syk parlamentiň ýolbaşçysy hökmünde ilkinji daşary ýurda saparyny amala aşyrar. Koreýanyň Parlamentiniň habar bermegine görä, jenap Wu Won Syk 9-njy oktýabrda Astana baryp, Gazagystanyň Prezidenti Kasym-Žomart Tokaýew, şeýle hem Gazagystanyň Mejlisiniň palatalarynyň başlyklary bilen duşuşyklary geçirer. 10-njy oktýabrda bolsa Gyzyl Orda syýahat eder we şol ýerde Ýaponiýa garşy göreşiň gahrymany general Hon Bom Donyň aramgähine baryp görer.
Habar berlişi ýaly, 14-nji oktýabrda Koreýanyň Parlamentiniň ýolbaşçysynyň Aşgabada sapary başlanar. Ol saparynyň çäklerinde birnäçe ýokary derejeli duşuşyklary geçirer, şeýle-de parlamentarileriň «Merkezi Aziýa + Koreýa Respublikasy» formatyndaky ikinji foruma gatnaşar.
