Üç aýyň jemlerine bagyşlanyp geçirilen Döwlet howpsuzlyk geňeşiniň nobatdaky mejlisinde Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow prokurorlary wezipä bellemek we wezipeden boşatmak bilen bagly degişli Permana hem gol çekdi. Bu barada "Watan" habarlar gepleşiginde habar berildi.
Bellenilişi ýaly, "Türkmenistanyň prokuraturasy hakynda" Türkmenistanyň Kanunynyň 16-njy maddasyna laýyklykda kabul edilen bu resminama bilen:
1-nji derejeli ýurist Şadurdy Hangeldiýewiç Täşliýew Ahal welaýatynyň prokurory wezipesine;
1-nji derejeli ýurist Orazmyrat Annamyradowiç Gurbanow Düzediş edaralarynda kanunlaryň berjaý edilişine gözegçilik boýunça Ahal prokurory wezipesine bellenildi.
Şeýle-de:
gulluk borçlaryny talabalaýyk ýerine ýetirmändigi üçin, ýustisiýanyň kiçi geňeşçisi Merdan Mahmudowiç Pirbabaýew Ahal welaýatynyň prokurory wezipesinden;
ygtyýarlyk möhletiniň tamamlanmagy sebäpli, ýustisiýanyň kiçi geňeşçisi Mekan Işangulyýewiç Ulugberdiýew Düzediş edaralarynda kanunlaryň berjaý edilişine gözegçilik boýunça Ahal prokurory wezipesinden boşadyldy.
