Türkmen döwlet filarmoniýasynyň zalynda Döwlet simfoniki orkestriniň solistleriniň dördüsi: Selbi Öwezowanyň (fleýta), Didar Ýomudowyň (goboý), Ýusup Öwezowyň (klarnet), Mähri Orazowanyň (fortepiano) konserti boldy. Bu barada «Türkmenistan: Altyn asyr» saýtynda habar berildi.
Habarda bellenilişi ýaly, konsert Kamil Sent-Sansyň klarnet we fortepiano üçin sonatasy bilen açyldy.
Şeýle hem sazandalar tango tapgyry taryhyndan iki eser taýýarladylar. «1990-njy ýylyň tangosy» we «1930-njy ýylda kafede ýaňlanan tango» ýerine ýetirildi.
Soňra Oraz Öwezowyň «Söýgi appassionatasy» ýaňlandy.
Hemişe bolşy ýaly, diňleýjiler sazlarda beýan edilen we dört sazandanyň peşgeş beren belent we täsirli duýgularyndan lezzet aldylar diýlip, habarda bellenilýär.
