80 ýaş ýubileý — syýahatlara nokat goýmak üçin bahana däl! Ine, 2032-nji ýylda iň soňky we täsin syýahatyny — gaýtadan işlenen plastikden ýasalan gaýykda Ýuwaş ummanyny ýüzüp geçmegi ýüregine düwýän meşhur syýahatçy Fýodor Konýuhow şu pikiri öňe sürýär. Bu barada TASS habarlar agentligi habar berýär.
Konýuhowyň köp ýyllyk karýerasynyň ahyry ahyrlanjakdygyny görkezýän bu ägirt uly missiýa «Ýaş päsgelçilik däl» diýlip atlandyrylýar. Ýasama plastik gaýykda Çiliden Awstraliýa çenli syýahat etmek diňe bir güýçlüligiň we çydamlylygyň synagy bolman, eýsem daşky gurşawy goramaga hem özboluşly çagyryş bolar.
Bu materialyň saýlanyp alynmagy Konýuhowyň mikroplastik bilen ummanyň hapalanmagyna garşy uzak wagtlap alyp baran göreşi bilen baglydyr.
Konýuhow rowaýat şahsyýet: ol dünýäde ilkinji bolup planetanyň bäş polýusyna baryp ýeten we diňe lyžaly Demirgazyk we Günorta polýuslara baran ilkinji rus syýahatçysydyr. Şeýle hem, dünýäde ýekelikde aýlanyp, ýedi beýikligiň ählisine ýeten, Ýuwaş ummanyny gämide geçip, howa şarynda bütin dünýä ýüzüne aýlanmagy başaran adamdyr.
