Şwesiýada şahly mähmet los awtosalona girip, gymmatbaha ulaglary kül etdi, dükanyň eýesi bu görnüşleri eltelefonyna ýazgy etdi diýip, «rbc.ru» habar berdi.
Ýagny BMW kysymly awtoulaglar üçin ätiýaçlyk şaýlaryna ýöriteleşen «Schmiedmann» dükänynyň baş direktory Wiktor Ertegren dükana gelende, goh-galmagal eşitdi we onuň sebäpkäri müşderileriň biridir diýip çaklady. Emma girip görse, ol müşderi däl-de, ýabany haýwan ekeni. Dükanyň eýesi haýwandan gorkup, gizlendi-de, ähli bolup geçýän wakany eltelefonyna ýazgy etdi.
Los art aýaklaryna galyp, golaýda abatlanan «BMW 850i» ulagyna toýnaklary bilen urdy-da, onuň öň tarapyny deşdi. Ol dükanyň işgärleriniň biriniň-de ulagyny haraplamaga ýetişdi. Soňra dükany terk edişine, köp gatnawly gara ýoly kesip, tokaýlyga siňdi.
Wiktor Ertegren haýwanyň ýitiren zyýanyna gynanýar, ýöne öz işgärleriniň ýa-da geçip barýanlaryň tokaý jandaryndan ejir çekmändigine begenýär diýip, habarda bellenýär.
