«Türkmendeňizderýaýollary» agentligi Türkmenbaşy halkara deňiz portunyň enjamlary we tehnikalary üçin ätiýaçlyk şaýlaryny getirmek babatda halkara bäsleşik yglan etdi. Bäsleşigiň maksady porty öz wagtynda abatlamak we tehniki hyzmatybökdençsiz ýerine ýetirmek arkaly, onuň üznüksiz işlemegini üpjün etmekden ybaratdyr.
Halkara bäsleşik, esasan hem, lotlaryň 5 görnüşi: portal kranlary, ýük göterijiler, göteriji tehnikalar, takelaž işleri, awtomobil hojalygy, awariýa-halas ediş gullugy we deňiz portuň binalarynyň yşyklandyryş bezegleri üçin serişdelerdir ätiýaçlyk şaýlary boýunça yglan edildi.
Bäsleşigiň şertlerine laýyklykda, üpjün ediji kompaniýalar 2024-nji ýylyň 1-nji fewralyndan öň ähli talap edilýän resminamalary, bukjanyň ýokarky burçunda taslamanyň adyny görkezip, möhürlenen bukjada şu görkezilen salga ýollamaly: 745000 Türkmenistan, Balkan welaýaty, Türkmenbaşy şäheri, Şagadam köçesi 8 «A» jaýy.
Bäsleşige ýerli kompaniýalar hem, daşary ýurt kompaniýalary gatnaşyp bilerler. Ýüz tutujy kompaniýalardan maliýe tölegine ukyplylygyny we degişli ugurdaky tejribesini tassyklaýan resminamalaryň berilmegi talap edilýär.
Üpjün edilýän harytlaryň bahalary, tenderiň netijelerine esaslanyp, şertnamanyň ýerine ýetirilen ähli döwründe üýtgewsiz galar. Ýörite tender topary kabul edilen arzalary gözden geçirer we ýeňijini saýlar.
Goşmaça soraglar üçin telefon belgisi: (+ 993 243) 6 07 46
