Lebap welaýatynyň Türkmenabat şäheriniň Zelili köçesiniň ugrunda Lebap welaýat adalat bölüminiň işgärleri üçin niýetlenen 1 sany 4 gatly, 24 öýli, öýleri üç we dört otagdan ybarat ýaşaýyş jaýynyň açylyş dabarasy boldy. Bu barada «Watan» habarlar gepleşiginde habar berildi.
Bellenilişi ýaly, täze jaý Watan goragçylarynyň gününiň öňüsyrasynda Lebap welaýat adalat bölüminiň işgärlerine ajaýyp sowgat boldy.
Döwrebap ýaşaýyş jaýynyň gurluşyk işleri "Röwşen çyragy" hususy kärhanasynyň işçi-hünärmenleri tarapyndan ýokary hil derejesinde ýerine ýetirildi.
Dabara deputatlar, jemgyýetçilik guramalarynyň wekilleri, il sylagly ýaşulular, bagtyýar ýaş nesiller, gurluşykçylar hem-de Lebap welaýat adalat bölüminiň işgärleri gatnaşdylar.
Açylyş dabarasynyň barşynda gurluşyk işlerinde tapawutlanan gurluşykçylara Türkmenistanyň Prezidentiniň adyndan sowgatlar gowşuryldy.
Dabara gatnaşyjylar ýaşaýyş jaýynda döredilen döwrebap şertler bilen tanyşdylar. Olara jaý toýlarynda naz-nygmatlar hödür edildi.
