Çehiýada «Azatlyk we göni demokratiýa» garşylykçy partiýasynyň başlygy Tomio Okamura Kubanyň Lideri Fidel Kastronyň goýan rekordyny täzeledi, ýagny iň uzak wagtlap çykyş etdi. Bu barada ýerli habar beriş serişdelerine salgylanýan «EADaily» ýazýar. Okamura parlamentde tas 11 sagat gürledi.
Ýapon asylly deputat Çehiýanyň daşary ýurtlarda ýaşaýan raýatlary üçin saýlawlarda ses berlişigi guramak barada 10 sagat 44 minutlap gürledi. Çykyşynyň dördünji sagadyndan soňra ol Parlamentiň başlygyndan penjegini çykarmak barada rugsat sorady, ýene iki sagatdan soň özüne suw bermeklerini haýyş etdi.
Habara görä, Okamura çykyşyna başlamazdan öň parlamentarileri özüniň öňki 7 sagat 7 minutlyk çykyşyndan hem ozdurmakçydygyny duýdurdy. Netijede, onuň çykyşy Fidel Kastronyň 1998-nji ýylyň fewralyndaky 7 sagat 15 minutlyk çykyşyndan hem uzak boldy.
Neşir çeh deputatynyň mundanam uzak gürlemek isländigini, emma muňa reglamentiň idin bermändigini ýazýar.
