«L'Oreal» fransuz kosmetika kompaniýasyny esaslandyryjynyň agtygy Fransuaza Betankur-Maýers dünýäde emlägi 100 mlrd dollardan geçýän ilkinji zenan boldy diýip, «Bloomberg Billionaires Index» seljeriş kompaniýasyna salgylanýan «Interfax.ru» habar berdi.
Şu hepdäniň penşenbe güni kompaniýanyň paýnamalary iň ýokary derejede gymmatlady, netijede, onuň paýnamalarynyň 35 göterimine eýelik edýän Betankur-Maýers dünýäniň iň baý adamlarynyň sanawynda on ikinji orna çykdy.
Fransuaza Betankur-Maýers Fransiýanyň iň baý adamlarynyň arasynda LVMH kaşaňlyk harytlaryny öndüriji kompaniýany esaslandyran Bernar Arnodan (179 mlrd dollar) soňra ikinji orny eýeleýär.
