Baş tälimçi Kamil Mingazowyň ýolbaşçylygyndaky Türkmenistanyň futzal boýunça zenanlar ýygyndysy 2025-nji ýylyň Aziýa Kubogynyň saýlama ýaryşyna gatnaşmak üçin Daşkende geldi. Toparyň düzüminde 15 oýunçy bar, olaryň bäşisi daşary ýurt klublarynda çykyş edýän oýunçylardyr.
Bije atyşlygyň netijesinde Türkmenistanyň zenanlar ýygyndysy C toparyna düşdi, ol ýerde biziň ýygyndymyz Özbegistanyň, Awstraliýanyň, Filippinleriň we Kuweýtiň toparlary bilen duşuşar. Mingazowyň şägirtleri ilkinji duşuşygyny 11-nji ýanwarda Awstraliýanyň ýygyndysyna garşy geçirer.
C toparynyň ähli oýunlary 11-19-njy ýanwar aralygynda Daşkentde geçiriler. 2025-nji ýylyň maý aýynda Hytaýda geçiriljek ýaryşyň finalyna çykmak üçin Türkmenistanyň zenanlar ýygyndysy öz toparynda ilkinji iki ornuň birini eýelemelidir. Şeýle hem üçünji orunlary eýelän ýygyndylaryň arasynda iň gowy ýygyndy finala çykmaga mümkinçilik alar.
Türkmenistanyň ýygyndysynyň düzümi:
Derwezeçiler: Aýşa Amanberdiýewa – «Dudullu» (Türkiýe), Malika Eminowa – (Lebap welaýaty)
Meýdançaky oýunçylar: Maýa Musaskaýa – «Žalgiris» (Litwa), Suraý Mammetsähedowa – «Torpedo MAI» (Russiýa), Mariýa Hmyrowa – «Aýdyn» uniwersiteti (Türkiýe), Läle Haipowa – «Bilgi» uniwersiteti (Türkiýe), Mariýa Çaryýewa (kapitan), Kamila Mingazowa, Jeren Mämmedowa, Jemile Babaýewa, Amaliýa Karapetýans, Ejegül Durdyýewa, Malika Mämmedowa, Leýli Atajanowa (ählisi – «Altyn Täç», Aşgabat), Perwana Gurbanowa – («Ýyldyz», Daşoguz welaýaty).
Türkmenistanyň ýygyndysynyň oýunlarynyň tertibi:**
11-nji ýanwar:
15:00 Türkmenistan – Awstraliýa
15-nji ýanwar:
15:00 Filippinler – Türkmenistan
17-nji ýanwar:
15:00 Türkmenistan – Kuweýt
19-njy ýanwar:
18:00 Türkmenistan - Özbegistan
