Lebap welaýatynyň Türkmenabat şäherindäki S.A.Nyýazow adyndaky «Buýan» obasenagat toplumynda buýan köküni we onuň ekstraktyny öndürmekde netijeli işler alnyp barylýar. Toplumda şu ýylyň ýanwar — iýul aýlarynda 12 million 799 müň 541 manatlyk iş edilip, ýedi aýlyk iş meýilnamasy üstünlikli berjaý edildi. Bu barada welaýat neşirinde habar berildi.
Degişli döwürde buýan köküniň 1 müň 687 tonnasy, buýan köküniň ekstraktynyň bolsa 773 tonnasy öndürildi. Habarda bellenilişi ýaly, buýan köküniň ekstraktynyň 569 tonnasy, baglanan buýan köküniň hem 4 müň 110 tonnasy eksport edildi.
