«Türkmenistan» awiakompaniýasy halkara gatnawlaryna girizilen çäklendirmäni ýene-de uzaltmak kararyna geldi. Bu barada awiakompaniýanyň Russiýadaky wekilhanasy habar berýär. Köpçülikleýin ýaýradylan press-relizde halkara howa gatnawynyň heniz dikeldilmänidigi, uçuşlar üçin satyn alnan petekleriň 2021-nji ýylyň 31-nji dekabryna çenli güýjüniň bardygy bellenilýär.
Ýolagçylar ýatyrylan uçuşlar üçin bellenilen seneden öň islendik uçuş üçin petegini çalşyp bilerler. Munuň üçin uçuşlaryň täzeden başlamagyna garaşmaly we alyş-çalyş üçin petek satyn alnan ýer bilen habarlaşmaly.
Türkmen howa ýollarynyň uçarlarynyň COVID-19 pandemiýasy we ýolagçylaryň howpsuzlygy sebäpli bir ýyl bäri halkara uçuşlary amala aşyrmaýar.
«Türkmenportal» golaýda paýtagt bilen ýurduň sebitleriniň arasynda awtobus we demir ýol gatnawlary Aşgabat - Türkmenabat, Aşgabat - Daşoguz we tersine ugurlar boýunça Türkmenistanda gaýtadan ýola goýlandygy habar berildi.
