Türkmenistanyň Prezidentiniň gol çeken Kararlary bilen,
Jennet Orazmamedowna Geldymamedowa Ahal welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadylyp, ol Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesine bellenildi;
Akgül Şirmuhammedowna Toporowa Ahal welaýatynyň häkiminiň bilim, medeniýet, saglygy goraýyş we sport boýunça orunbasary wezipesine bellenilip, ol Ahal welaýatynyň Ak bugdaý etrabynyň häkiminiň orunbasary wezipesinden boşadyldy;
Arzygül Agamyradowna Orazowa Ahal welaýatynyň Ak bugdaý etrabynyň häkiminiň orunbasary wezipesine bellenildi;
Ataýew Derýa Döwletmyradowiç işde goýberen kemçilikleri üçin Balkan welaýatynyň häkiminiň orunbasary wezipesinden boşadyldy;
Jumanazar Annaýew Balkan welaýatynyň häkiminiň orunbasary wezipesine bellenilip, ol Türkmenistanyň oba hojalyk we daşky gurşawy goramak ministriniň oba hojalyk tehnikalary we gurallary boýunça orunbasary wezipesinden boşadyldy;
Orazmämmet Gurbangulyýew başga işe geçmegi sebäpli, Balkan welaýatynyň Türkmenbaşy etrabynyň häkiminiň orunbasary wezipesinden boşadyldy. Bu wezipä Amangül Baýramdurdyýewna Arazmämmedowa bellenildi;
Sapamuhammet Garataýewiç Sähetow başga işe geçmegi sebäpli, Balkan welaýatynyň Serdar etrabynyň häkiminiň orunbasary wezipesinden boşadyldy we bu wezipä Nurjemal Hudaýberdiýewna Hojamowa bellenildi;
Akyýew Gurbanmyrat işde goýberen kemçilikleri üçin Daşoguz welaýatynyň Görogly etrabynyň häkiminiň orunbasary wezipesinden boşadyldy. Bu wezipä Şyhmyrat Esenowiç Annaýew bellenildi;
Baýdakow Döwletmämmet Seýidowiç işe goýberen kemçilikleri üçin Daşoguz welaýatynyň Boldumsaz etrabynyň häkiminiň orunbasary wezipesinden boşadyldy. Bu wezipä Kuwwatgeldi Baýramgeldiýew bellenildi;
Maral Rejepmyradowna Durdyýewa başga işe geçmegi sebäpli, Lebap welaýatynyň häkiminiň bilim, medeniýet, saglygy goraýyş we sport boýunça orunbasary wezipesinden boşadyldy;
Geldimyrat Gurbanowiç Atanow başga işe geçmegi sebäpli, Mary welaýatynyň Baýramaly etrabynyň häkiminiň orunbasary wezipesinden boşadyldy. Bu wezipä Maýsa Ýazjumaýewna Nurklyçewa bellenildi;
Akmyrat Daňatarowiç Seýitliýew başga işe geçmegi sebäpli, Mary welaýatynyň Oguzhan etrabynyň häkiminiň orunbasary wezipesinden boşadyldy. Bu wezipä Aýna Seýitgulyýewna Akmyradowa bellenildi.
