Ýapyk binalarda we söweş sungaty boýunça VI Aziýa oýunlary ozalky meýilnama boýunça şu ýylyň 21 ― 30-njy maýy aralygynda Tailand Patyşalygynyň Bangkok şäherinde geçirilmelidi.
― Ýöne häzirki pandemiýa ýagdaýlary sebäpli yklym ýaryşy indiki ýyla geçirildi ― diýip, Aziýanyň Olimpiýa geňeşiniň resmi saýty habar berdi. Bu karara AOG, Tailandyň Milli Olimpiýa komiteti we Oýunlaryň guramaçylyk komiteti bilelikde geldiler. Yklym ýaryşynyň täze senesi 2022-nji ýylyň 10 ― 20-nji marty aralygy boldy.
Nobatdaky ýaryşlary sportuň 24 görnüşini öz içine aljak bu Oýunlaryň ozalkysy 2017-nji ýylyň sentýabr aýynda Aşgabatda geçirilipdi.
